MKUTANO MKUU SIMBA JULAI 20

 

Uuongozi wa klabu ya Simba umepanga kufanya mkutano mkuu wa mwaka Julai 20 kwenye ukumbi wa Bwalo la Maofisa wa Polisi, Oystrebay, Dar es Salaam.

Kaimu Makamu Mwenyekiti wa Simba, Joseph Itang’are al maarufu kama Mzee Kinesi amesema muda mchache uliopita kwua wamekubaliana hilo katika kikao kilichofanyika jana usiku.

Kinesi amesema wamekuwa wakiendelea na mkutano huo pamoja na mchakato mzima wa zoezi la mkutano huo wa kikatiba.

 

Alisema mambo kadhaa muhimu kuhusiana na klabu hiyo ikiwa ni pamoja na mwenendo wa Simba yatajadiliwa.

Lakini suala la ombi la kujiuzulu kwa Geofrey Nyanga ‘Kaburu’ ambaye Mzee Kinesi anakaimu nafasi yake pia litajadiliwa.

Pamoja na hivyo, kumekuwa na taarifa ya hofu kwa baadhi ya wanachama wa Simba ambao wamekuwa wakieleza kuwa kuna harufu ya mabadiliko ya katika yanayolenga kufaidisha watu wachache.

Wanachama hao wamekuwa wakidai viongozi wanataka kufanya mabadiliko kwa ajili ya kujinufaisha wao na wanachama wanapaswa kuwa makini.

Hata hivyo uongozi wa Simba umesisitiza unafanya mambo yote kwa ajili ya manufaa ya klabu na si kujinufaisha kama ambavyo baadhi ya wanachama wameanza kupata hifu.