OBAMA AONYESHA UJUZI WA DANADANA ZA VICHWA KAMA RONALDINHO

 

OBAMA AKIONYESHA UJUZI HUKU RAIS KIKWETE AKISHUDIA..

Pamoja na kwamba ni mpenzi mkubwa wa mpira wa kikapu, lakini Rais Barack Obama wa Marekani ameonyesha anaipenda soka.

Obama alionyesha hilo baada ya kuamua kuonyesha uwezo wake wa kucheza mchezo wa soka ikiwa ni pamoja na kupiga danadana za kichwa alipotembelea mitambo ya Tanesco iliyo katika eneo la Ubungo jijini Dar es Salaam.

RONALDINHO

Staili ya kupiga danadana za  kichwa aliyoitumia Obama ni kama ile aliyokuwa akiitumia zaidi Ronaldinho, nyota wa zamani wa Barcelona na Brazil.
 

Obama alikuwa kwenye mitambo hiyo kukagua mmoja wa mradi mkubwa wa umeme utakaosaidia nchi sita za Afrika ikiwemo Tanzania.

Mpira aliokabidhiwa ni teknolojia mpya na unaweza kutumika kuwasha umeme na hasa katika sehemu za vijijini.

Kabla ya kuelekezwa mpira huo unatumika vipi, Obama aliyekuwa na mwenyeji wake Rais Kikwete alionyesha ujuzi kwa kupiga pasi kadhaa kabla ya kupiga danadana za vichwa.



Tayari Obama na familia yake wameondoka nchini kurejea kwao Marekani kuendelea na shughuli nyingine.

Rais huyo wa Marekani alikuwa nchini kwa ziara ya siku mbili ambayo ilikuwa na msisimko, wengine wakilaumu na wengine kupongeza.