KIPARA JONJO WA SWANSEA AZUA GUMZO

Kumeibuka maswali lukuki kuhusiana na Liverpool na uamuzi wao wa kumuuza kiungo mwenye ‘kipara’, Jonjo Shelvey ambaye usiku wa jana alikuwa gumzo.

Shelvey alikuwa gumzo wakati Liverpool ilipocheza dhidi ya Swansea katika mechi ya Ligi Kuu England na kutoka sare ya mabao 2-2.

Ingawa Liverpool imekaa kileleni lakini Shelvey amezua gumzo kubwa kutokana na kiwango alichokionyesha na kuhusika  katika mabao yote manne ya mechi hiyo.

Shelvey alitoa maboko mawili yaliyoipa Liverpool mabao lakini akafunga bao moja la Swansea na kutoa pasi ya la pili lililofungwa na Michu.

Kuhusiana na kiwango alionyesha kiwango cha juu na kuwa msaada mkubwa kwenye kikosi cha timu yake.

Liverpool ilimuuza kiungo huyo kwa Swansea na wengi wameanza kuhoji kuhusiana na kuachwa kwake.