MOYES AAMBIWA AMUONYE YOUNG AACHE TABIA YA KUJIANGUSHA

Kocha Mkuu wa Man United, David Moyes ametakiwa kumuonya kiungo wake, Ashley Young kuacha mara moja tabia ya kujiangusha.

Young alijiangusha mara mbili leo katika mechi dhidi ya Crystal Palace, mara moja mwamuzi akampa kadi ya njano na mara ya pili akadanganyika na kutoa penalty.

Man United ilishinda mechi hiyo lakini wachambuzi wa Sky Sports wameeleza tabia hiyo ya Young ni udangayifu katika mchezo wa soka.

Mmoja wa wachambuzi hao, Tony Adams aliyewahi kuwa nahodha wa Arsenal, alisema Young anaonyesha kiasi gani kwamba analazimika kudanganya ili kuisaidia timu yake kushinda.

“Moyes amuonyesha, asipofanya hivyo itaonekana kuwa anachofanya Young ni maagizo au mafunzo,” alisema Adams.

Young amekuwa akilalamikiwa kutokana na tabia yake ya kuwadanganya waamuzi na kujiangusha ili kusababisha timu nyingine iadhibiwe.