YANGA YABANWA NA MBEYA CITY, AZAM SARE NA KAGERA

Mabingwa Yanga wamepata sare ya pili mfululizo baada ya kulazimishwa sare ya bao 1-1.

Katika mechi hiyo iliypigwa kwenye Uwanja wa Sokoine mjini Mbeya, wenyeji walianza kufunga kabla ya Yanga kusawazisha kupitia Mrundi, Didier Kavumbagu.

Hiyo ni sare ya pili ya Yanga baada ya kumaliza sare ya mabao 1-1 dhidi ya Coastal kwenye Uwanja wa Taifa, Dar.

Mechi nyingine ilikuwa ni mjini Kagera ambako wenyeji walifanikiwa kupata sare ya bao 1-1 dhidi ya Azam FC ambayo ilimaliza ligi msimu uliopita katika nafasi ya pili.

Mechi nyingine mjini Arusha, Oljoro dhidi ya Rhino ilikuwa sare ya bao 1-1 wakati Prisons wakiwa ugenini dhidi ya Coastal Union wakalazimisha sare ya bila kufungana.