WARUSI WABAGUZI, WAMBAGUA YAYA TOURE WAKIONYESHA ISHARA KAMA NYANI

Wazungu wameendeleza unafiki wao kuhusiana na suala la ubaguzi wa rangi baada ya mashabiki wa CSKA Moscow kumbagua waziwazi kiungo Yaya Toure wa Manchester City.

Mashabiki hao wenye roho mbaya ambao wamekuwa wakidanganya kwamba wana mapenzi na Waafrika walionyesha vitendo vya nyani ikiwa ni ishara ya ubaguzi wa rangi kwa Toure raia wa Ivory Coast.

Manchester City ilikuwa nyuma kwa bao moja, Toure akaonekana kuwa tatizo kutokana na kutoa pasi za uhakika ikiwemo ya bao la alilofunga Sergio Ramos ambaye alifunga mawili.

Kuhusiana na hilo, kupitia mtandao wa Twitter, Toure alisema: “Inakatisha tamaa kiasi fulani kwa watu kuendelea na vitendo hivyo.

 

TOURE NA AGUERO WAKIMUONYESHA MWAMUZI MASHABIKI WALIOKUWA WAKIONYESHA ISHARA YA NYANI KUMBAGUA TOURE.

“Najisikia vibaya, lakini bado siwezi kukata tamaa kwa kuwa wengi wananipenda na kuniunga mkono.”