SHUKURANI KWENU KWA 2013, TUWE PAMOJA 2014

Ilikuwa vigumu sana kukubaliana na rafiki na wasomaji wengi wa makala zangu waliokuwa wakinishawishi kuanzisha blog.

Lakini wengi walizidi kunishawishi na mwisho nikaona nifanye hivyo. Sina maana sikuwa na uwezo wa kufanya hivyo, lakini nia ya ushindani ilikuwa inanitatiza.

Ninapoanzisha kitu napenda kiongoze, kiwe cha kwanza lakini niliona sikuwa na muda wa kutosha kwa ajili ya kuisimamia vizuri blog yangu.

Sikupenda kuwa msindikizaji au kufanya kwa kubahatisha, lakini niliamua kuingia angalau kwa 50% na nimekuwa nikiendelea kujiongeza.

Muda ni mchache kwa kuwa ni mwajiriwa, pia ninasimamia miradi yangu, lakini bado najitahidi kuhakikisha ifikie siku blogu hii isimame ninavyotaka na kukidhi kiu cha wengi.

Tathmini yangu inanionyesha bado, sasa ndiyo takribani mwaka lakini nimepata wasomaji zaidi ya milioni 2. Kwangu naona hili ni deni na rekodi nzuri kabisa.

Shukurani kwenu kwa kuniunga mkono mwaka 2013, mmeonyesha mnaniamini name nashukuru kwa upendo wenu na imani yenu kwangu.

Kweli ninabanwa kutokana na ajira ambayo inaendana na ushindani mkubwa, kwani kila mmoja sasa anataka kufanya zaidi ya ninachofanya.

Nimezalisha idadi kubwa ya waandishi wanaotaka kufanikiwa, wako wanaonitaja na wasiokubali hilo hadharani, lakini ndani ya nafsi zao wanaweza kulisikia hilo, kwamba wanafanya hivyo kutokana na walichokiona kwangu.

Nirudie ninawashukuru sana kwa kuniunga mkono mwaka 2013, wasomaji, rafiki, jamaa na ndugu zangu. Wote nawashukuru sana.

Familia yangu, timu ya gazeti la Championi pia kwa sapoti lakini niwaombe tuwe pamoja mwaka 2014 ili tuendelee kupamba.

Shukurani nyingine ziende moja kwa moja kwa wadhamini wa blog ya SALEHJEMBE, wao wanachangia mambo kadhaa na ni changamoto kwangu.

 

Idadi ya wasomaji niliyoipata kwa kipindi cha miezi 10 ni kubwa mno na ninastahili kuwashukuru na kujivunia.

Malengo ni kuifikia zaidi ya mara tatu kwa 2014l, nawahakikishia ninaweza na ninajiamini nitafanya hivyo kwa kuongeza juhudi na kutenga muda zaidi angalau kwa ahili ya blogu.

Hakika si kazi lahisi lakini nitajitahidi kwa kuwa nataka kutimiza malengo.

Nawashukuru na ninawaomba muendelee kuniunga mkono mwaka 2014.

Nawaombea afya njema kwa mwaka 2014, ninaamini afya ndiyio mtaji mkubwa kwa mwanadamu yoyote kuliko kitu kingine.

Mwenyezi Mungu anatupenda, tumshukuru kwa pamoja na kumuomba atujaalie kheri katika mwaka wa 2014.

NAWAPENDA WOTE.