SOKOINE YATUMIA SHILINGI MILIONI 23 KWA UKARABATI

Uongozi wa Uwanja wa Sokoine wa mkoani Mbeya, umesema umetumia zaidi ya shilingi milioni 22.3 kwa ajili ya ukarabati wa uwanja wao.

Uwanja wa Sokoine unaotumiwa na timu za Mbeya City na Tanzania Prisons, ulifungiwa na TFF kutokana na kutokidhi viwango vya kuchezea ligi kuu.

Meneja wa uwanja huo, Modestus Mwaruka, alisema uwanja huo ulichukua mwezi mmoja hadi kuwa sawa na wametumia kiasi cha milioni 22 kwenye sehemu ya kuchezea ‘pichi’ tu.

Alisema gharama hizo ni za ununuzi wa nyasi za asili vipande 99 pamoja na usafiri na wanaamini utadumu sana kwa kuwa upandwaji wake ulizingatia kanuni za upandwaji ambapo zitakapoota, uwanja huo unaweza kuchezewa hata mechi za kimataifa.

“Tumemaliza kazi tuliyopewa ya kurekebisha uwanja wetu na tumetumia milioni 22 na zaidi, tumeboresha sehemu ya waamuzi, vyoo na majukwaa, sasa hivi hata mechi za kimataifa zinaweza kuchezwa hapa,” alisema Mwaruka.