KIONGOZI SIMBA ASHUHUDIA LIVERPOOL IKIIADHIBU ARSENAL BAO 5-1 NDANI YA ANFIELD

MUSLAH AKIWA UWANJANI LEO DAKIKA CHACHE KABLA YA KUANZA KWA MECHI KATI YA LIVERPOOL DHIDI YA ARSENAL ILIYOMALIZIKA KWA WENYEJI KUSHINDA KWA MABAO 5-1.

Mjumbe wa Kamati ya Usajili ya klabu ya Simba, Muslah Al Rawah leo alikuwa uwanjani akishuhudia live Liverpool ikiibanjua Arsenal 5-1.

Al Rawah ambaye hivi karibuni alimzawadia kiungo nyota wa Simba, Ramadhani Singano ‘Messi’, alikuwa uwanjani Anfield jijini Liverpool ikiitandika Arsenal mabao hayo matano.

“Nimeshuhudia mechi na ilikuwa faraja kwangu kwa kuwa ni sahabiki wa Liverpool,” alisema.

Kiongozi huyo akuwa Simba alionyesha ni mwenye furaha kubwa kutokana safari hiyo ndefu kuwa na mafanikio.

Kutokana na kipigo hicho, Arsenal imedondoka kutoka kileleni na kuipisha Chelsea iliyoibanjua Newcastle United kwa mabao 3-0, yote yakipigwa na Eden Hazard.