YULE BEKI KIBOKO YA TAMBWE, KAVUMBAGU ANAREJEA KAZINI

 

MICHAEL AKIPAMBANA NA MWOMBEKI

Beki ‘kisiki’ wa Ruvu Shooting, Michael George, huenda akarejea uwanjani mapema badala ya miezi mitatu kama ilivyoripotiwa awali, kufuatia afya yake kuimarika haraka.

Beki huyo aliyejizolea umaarufu kwa kuwadhibiti mastraika wa Simba na Yanga katika raundi ya kwanza ya Ligi Kuu Bara, yupo nje akiuguza jeraha la mguu wa kulia uliovunjika katika mazoezi ya timu yake kujiandaa na mzunguko wa pili, siku chache kabla ya pazia kufunguliwa.

Msemaji wa Ruvu, Masau Bwire, amesema tayari nyota huyo amefunguliwa bandeji ngumu (P.O.P). “Taarifa za daktari na anavyoonekana, hatakaa nje miezi mitatu kama ilivyosemekana awali,” alisema Bwire.