Na Saleh
Ally
JIJI la
Madrid ndilo litakuwa mwenyeji wa mechi kubwa ya watani wa jadi kuliko nyingine
zote duniani inayopigwa leo Jumapili kwenye Uwanja wa Santiago Bernabeu.
Real Madrid
dhidi ya wageni wao, Barcelona, kila timu itakuwa inacheza mechi yake ya 29 ya
Ligi ya Hispania maarufu kama La Liga. Kila upande utakuwa unataka kuibuka na
ushindi.
Ushindi ni
muhimu kwa kila timu kwa mambo mawili makubwa, kwanza ni mechi ya watani wa
jadi na hakuna timu itakubali kushindwa bila ya kujali ni ugenini au nyumbani.
Ushindi kwa timu yoyote utakuwa ni heshima kubwa kwa sababu ya kuendelea kuweka
rekodi, kwamba wamekutana mara ngapi na yupi ameshinda mara nyingi.
 |
| ANCELOTTI |
Pili,
nafasi katika msimamo wa La Liga, kwani ushindi ni pointi tatu na hakuna ambaye
atataka kupoteza au kugawana, badala yake azipate zote kwa wakati mmoja.
Timu zote
zimecheza mechi 28, Real Madrid inaongoza La Liga kwa kuwa na pointi 70,
inafuatiwa na Atletico Madrid yenye pointi 67 na Barcelona ni watatu wana 66.
Hii inaonyesha kiasi gani kila upande utakuwa unataka kushinda leo.
Iwapo
Madrid watashinda, maana yake watajipa nafasi nzuri ya kuongeza pengo la pointi
saba dhidi ya wapinzani wao hao, lakini Barcelona wakishinda maana yake
watakuwa wamesonga na kupunguza pengo ambalo litabaki pointi moja tu.
Lakini
Madrid ambao wanaonekana kuwa na kikosi bora kipindi hiki chini ya Carlo
Ancelotti, watakuwa na hamu ya kulipa kisasi cha kufungwa mabao 2-1 katika
mechi ya mzunguko wa kwanza ambayo ilichezwa ugenini Camp Nou.
Lakini
ukiachana na hayo, kuna mambo mengi ambayo yanaifanya dunia ‘isimame’
inapofikia siku ya El Clasico, yaani mechi ya watani, gumzo kuliko zote katika
ulimwengu wa soka.
Kati ya
mambo hayo ni kila timu ina wachezaji gani maarufu, zimewahi kukutana mara
ngapi na ipi imeshinda nyingi, ipi imepoteza sana na kuna sare ngapi. Wachezaji
gani ambao wamecheza mechi nyingi za La Liga na imekuwa vipi.
Ronaldo &
Messi:
Cristiano
Ronaldo wa Real Madrid ndiye mwanasoka bora dunia kwa sasa akiwa amechukua taji
lililokuwa linashikiliwa na mpinzani wake mkubwa Lionel Messi. Lakini rekodi
nyingine kesho, Ronaldo atacheza dhidi ya Barcelona, kwa mara ya kwanza akiwa
mwanasoka bora duniani.
Aliwahi
kutwaa taji hilo mwaka 2008 akiwa Manchester United, lakini tokea ametua Madrid
amekuwa akipambana kulipata bila ya mafanikio na Messi amekuwa akilichukua kama
anavyotaka.
 |
| TATA |
Swali, leo
ni zamu ya Ronaldo? Lakini bado Messi ambaye amekuwa akisumbuka kutoka kwenye
majeruhi atakuwa anataka kuonyesha kuwa hata kama hana taji hilo, yeye ni bora
na ndiye mchezaji ambaye amekuwa ‘akiionea’ Real Madrid, anavyotaka.
Bale & Neymar:
Wachezaji
wengine wawili ambao wameongeza utamu wa La Liga ni Gareth Bale ambaye sasa
ndiye mchezaji ghali zaidi duniani kwa maana ya uhamisho. Lakini pia kuna
Neymar wa Barcelona ambaye pia ni mchezaji ghali na kinda ambaye ana kipaji cha
aina yake.
Hawa
wanaonekana kama wasaidizi wa Ronaldo na Messi, lakini wana uwezo mkubwa na
inawezekana kabisa wanaweza wakafanya mambo makubwa zaidi hata ya hao nyota
wawili na ‘kuuiba’ mchezo na wao ndiyo wakawa gumzo zaidi.
Kipaji cha
Neymar ni hatari, tayari Madrid wanajua madhara yake kwa kuwa amewahi
kuwaadhibu. Ni hata kwa mabeki kwa kuwa pamoja na kuwa na uwezo wa kufunga
lakini ni mjanja katika kutoa pasi za mwisho zinazozaa mabao.
Bale, alikuwa
akisumbuka na majeraha kila mara. Sasa ameinuka na yuko safi na ana vitu vingi
ambavyo mabeki wa Barcelona vitawapa wakati mgumu. Kwanza uwezo wa kuwachambua
hata mabeki watatu, kasi, krosi zenye ‘macho’ lakini mashuti makali.
WACHUNGWE:
Ingawa
wanaozungumziwa ni wachezaji nyota kama Ronaldo, Angel Di Maria na wengine,
lakini kuna wachezaji makinda wanapaswa kuchungwa na hasa upande wa Real
Madrid. Kwanza mkongwe Xabi Alonso na pasi zake murua kwa mashambulizi ya
kushitukiza, noma.
Usisahau, Madrid
itamkosa Jesse ambaye ameumia, lakini ina makinda hawa watatu, Álvaro Morata, Isco na Asier Illarramendi
na kama kweli watapata nafasi kesho kwa kuwa Ancelotti anaamini vijana, basi
wana kila sababu ya kuweka ulinzi maradufu kwa kuwa vipaji vyao ni vya juu
sana.
Hata iwe
vipi, mkongwe Xavi Harnandez atakuwa tatizo, lakini wachezaji watatu, Andres
Iniesta, Alexis Sanchez na Pedro Rodriguez wana bahati sana ya kutingisha nyavu
za Madrid, wachungwe lakini kuna vijana hawa; Jonathan dos Santos,
Cristian Tello na Ibrahim Afellay. Kama Tata atawapa nafasi,
basi Madrid wachunge sana.
Katika timu
hizo, hakuna ya kuidharau. Hisia za kuwa Barcelona wamekwisha chini ya Tata
Martino si sahihi, kila timu ina uwezo mkubwa na kiwango cha juu. Lakini Madrid
wanaonekana kuwa na kiwango cha juu zaidi.
TAKWIMU:
Mechi tano:
Madrid:-
Katika mechi zao tano za mwisho wameshinda nne na kutoka sare moja. Kati ya
hizo, zote mbili za mwisho wamefanikiwa kuibuka na ushindi.
Barcelona:-Katika
mechi zao tano za mwisho kabla ya kesho kuivaa Madrid, Barcelona wameshinda tatu
na kupoteza mbili. Bado rekodi yao si nzuri ukilinganisha na wapinzani wao
ingawa si kigezo cha wao kupoteza.
WALIOCHEZA
NYINGI EL CLASICO:
MCHEZAJI MECHI
Manuel Sanchís-Madrid 43
Francisco Gento-Madrid 42
Xavi Hernández-Barca 38
Fernando Hierro-Madrid 37
Raul
Gonzalez-Madrid 37
Carles Puyol-Barca
32
WALIOPACHIKA
MABAO MENGI:
(Ni mabao
kila zilipokutana, hawa waliofunga mengi na bado wanacheza):
MCHEZAJI IDADI TOKEA
Messi-Barca 18 2004
Ronaldo-Madrid 12 2009
Pedro-Barca 5 2008
Xavi-Barca 5 1998
Benzema-Madrid 4 2009
VIPIGO
VIKUBWA TOKEA 1943:
Juni 13, 1943
Real Madrid 11-1 Barcelona-
Copa del Rey
Feb 3, 1935
Real Madrid 8-2
Barcelona-La Liga
Sept 18, 1949
Real Madrid 6–1
Barcelona-La Liga
Aprili 21, 1935
Barcelona 5–0 Real Madrid
Machi 25,
1945
Barcelona 5–0 Real Madrid
Sept 24,
1950
Barcelona 7–2 Real
Madrid-La Liga
Okt 25, 1953
Real Madrid 5–0 Barcelona
Feb 17, 1974
Real Madrid 0–5 Barcelona
Jan 8, 1994
Barcelona 5–0 Real Madrid
Jan 7, 1995
Real Madrid 5–0 Barcelona
Nov 9, 2010
Barcelona 5–0 Real Madrid
0 COMMENTS:
Post a Comment