MO FARAH AANGUKA, AZIMIA MKENYA AKISHINDA NEW YORK MARATHON

Mwanariadha nyota wa mbio ndefu wa Uingereza, Mo Farah ameanguka na kuzimia wakati akimaliza mbio za marathon za New York City, leo.

Mkali huyo wa Michezo ya Olimpiki alianguka na kuzimia sekunde baada ya kumaliza na kushika nafasi ya pili nyuma ya Mkenya Geoffrey Mutai aliyemaliza kwa kutumia dakika 61 na sekunde 8.

Farah, 30, alionyesha kuwa na kasi katika hatua za mwisho na kufanikiwa kumpita Mkenya mwingine, Stephen Sambu kutoka nafasi ya tatu hadi aliposhika ya pili.

Aliondolewa na kiti maalum cha wagonjwa katika eneo hilo na taarifa zilizopatikana baadaye zilieleza alikuwa katika hali nzuri.