ACHANA NA ROONEY, VAN PERSIE, MSOME MWANAUME HUYU WA SHOKA

 

SHEARER

Na Saleh Ally

MWENDO wa upachikaji mabao kwenye Ligi Kuu England kwa sasa, gumzo ni ule wa mshambuliaji wa Liverpool, Luis Suarez ambaye amefikisha 29.

Suarez yuko kileleni na mabao hayo akifuatiwa na na patna wake, Daniel Sturridge mwenye 10, halafu Yaya Toure wa Man City mwenye 17. Inaonekana hakutakuwa na mwenye uwezo wa kumkamata raia huyo wa Uruguay ingawa kwenye soka mambo yanaweza kubadilika wakati wowote.

Lakini kama utazungumzia wafungaji wanaoendelea kucheza katika ligi hiyo hadi sasa, Wayne Rooney na Robin van Persie wa Manchester United ndiyo wamefunga mabao mengi zaidi.

Rooney na van Persie wanajitutumua kwa kuwa ndiyo washambuliaji pekee wanaoendelea kupambana kwenye ligi hiyo wako kwenye kumi bora ya waliofunga mabao mengi England.

Lakini kama utataka kuangalia mshambuliaji yupi ni mkali zaidi, basi Alan Shearer aliyewahi kukipiga Blackburn Rovers na Newcastle ndiye kiboko yaw engine wote unaowajua.

ROONEY

Shearer ambaye alichipukia kisoka katika Southampton hakucheza soka katika moja ya timu ambazo zinaonekana ni kubwa kama vile Arsenal au Manchester United.

Lakini anaendelea kuongoza kwa kushikilia rekodi ya mfungaji bora zaidi wa Premiership baada ya kufunga mabao 260 katika mechi ya 441, hii ni tokea msimu wa 1992 hadi 2006.

Shearer anaaminika mmoja wa wachezaji wenye uwezo mkubwa zaidi wa kufunga na si England tu, badala yake hata anapolinganishwa na washambuliaji wengine nyota duniani.

Wakati fulani baada ya Robbie Fowler alipoanza kutamba Liverpool na kuitwa kwenye kikosi cha timu ya taifa ya England, baadhi ya wachambuzi walitaka apewe nafasi na Shearer kuwekwa kando.

Lakini Fowler aliwashangaza wengi baada ya kuwajibu wachambuzi kwamba hawakuwa wakimjua vizuri Shearer ambaye alikuwa akifunga asilimioa 90 ya mipira aliyopiga wakiwa mazoezini na Fowler alifunga asilimia 68 hadi 75 tu.

Hivyo akawataka kuendelea kumuamini mkongwe huyo ambaye kweli aliendelea kutamba kwa miaka mingine minne.

Rooney na van Persie wana nafasi ya kumfikia Shearer lakini si kwa asilimia nyingi kwa kuwa nafasi wanazoshika katika 10 bora hiyo si za juu sana.

Rooney anajikongoja zaidi akiwa katika nafasi ya nne, ana mabao 171 baada ya kucheza mechi 367, wakati van Persie anashika nafasi ya 10 kwa mabao yake 132 katika mechi 247.

Bado inaonyesha hivi, kwa mwendo wao itakuwa kazi kubwa kumfikia mkongwe huyo aliyestaafu zaidi ya miaka saba iliyopita.

Katika wachezaji 10 ambao wako kwenye listi ya waliofunga mabao mengi zaidi wawili tu ndiyo wanaoendelea kucheza na wengine nane walishastaafu akiwemo Shearer mwenyewe.

Kama Rooney au van Persie watashindwa kumfikia Shearer, maana yake kwa kipindi cha miaka watakayokuwa wakicheza, huenda ikachukua miaka mingine 20 mmoja wapo kutokea na kumpita mkali huyo.

			Msimu	Mabao	Mechi
		Alan Shearer	1992–2006	260	441
		Andrew Cole	1992–2008	188	414
		Thierry Henry	1999–2007, 2012	175	258
		Wayne Rooney	2002–	171	367
		Frank Lampard	1995–	170	573
		Robbie Fowler	1993–2009	162	378
		Michael Owen	1996–2013	150	325
		Les Ferdinand	1992–2005	149	351
		Teddy Sheringham	1992–2007	147	418
		Robin van Persie	2004–	132	247