AZAM TV YAANZISHA BIG BROTHER YAKE, ITAKUWA NI YA SOKA, INAITWA KWETU HOUSE

Azam TV yawakumbuka mashabiki wa soka nchini

Runinga ya Azam TV leo imezundua  shindano la kumtafuta shabiki namba moja wa soka hapa nchini ambaye atajinyakulia kitita cha Sh. 10 milioni.

Mchakato huo wa kumpata shabiki huyo unatarajia kuanza Jumamosi hii katika viwanja vya Leaders, jijini Dar es Salaam ambapo mashabiki wote wa soka hapa nchini wanatakiwa kufika kwa lengo la kufanyiwa usaili.

BOSI WA AZAM TV, TORRINGTON

Mratibu wa shindano hilo, Wasiwasi Mwabulambo ameimba SALEHJEMBE kuwa mashabiki 10 watakaofanya vizuri katika usaili huo watakautanishwa ndani ya nyumba moja kwa siku 30 na mmoja kati yao ataibuka mshindi wa shindano hilo ambalo limepewa jina la Kwetu House (Seach for the ultimate fan).

“Usaili kwa ajili ya shindano hilo utaanza 3.00 asubuhi mpaka saa 11.00 jioni, watu wanapaswa kushiriki ni wanaume pekee wenye umri kuanzia miaka 18, wanawake na watoto haruhusiwi.

“Mbali na hayo, pia kwa mwaka huu shindano hilo litashirikisha mashabiki wa Dar es Salaam kwa sababu ndiyo kwanza tuanza lakini mwakani tutalipanua zaidi liwe la nchi nzima,” amesema Mwabulambo.

Mashabiki hao wataishi kwenye nyumba mfano wa wale ambao hushiriki katika shindano la Big Brother.

Mshindi wake ataibuka na kitita cha Sh milioni 10 taslimu na mwakani litaendelea kwa kushirikisha mikoa mingine.

Wakati likiendelea, watu wataendelea kulishuhudia kupitia ving’amuzi vya Azam TV.