LOGARUSIC MASIKIO NA UCHAGUZI WA SIMBA

Kocha Mkuu wa Simba, Zdravko Logarusic amekuwa akiufuatilia uchaguzi wa klabu hiyo kwa karibu sana.

Loga amesema ametega masikio kipindi kirefu kutaka kujua mambo yanaendaje.

Lakini pia amekuwa akitaka kujua lini ataanza usajili, hivyo ana hamu kubwa kuona unafanyika mapema.

“Lazima nijue mambo yanaendaje, hivyo natega sikio kwa ukaribu sana.

“Croatia ni mbali na Tanzania, lakini mitandao mbalimbali inanisaidia kujua nini kinaendelea,” alisema.

Simba imemtaka kocha huyo kuvuta subira hadi viongozi watakapopatikana katika uchaguzi utakaofanyika Juni 29.

Taarifa zinasema Loga alitanguliziwa kitita cha dola 8,000 zilizotolewa na Zacharia Hanspope.