KAZIMOTO ALIA KUIKOSA LIGI KUU NCHINI QATAR

Nyota wa kimataifa wa Tanzania, Mwinyi Kazimoto, anayekipiga katika Klabu ya Al Markhiya nchini Qatar, ameeleza masikitiko 

yake baada ya timu yake kushindwa kupada Ligi Kuu nchini humo.

Kazimoto, ambaye yupo nchini kuitumikia timu ya taifa, Taifa Stars, katika mchezo wa kimataifa dhidi ya Msumbiji, Black Mambas, utakaopigwa kesho jijini Dar. Anatarajiwa kurejea Qatar Jumanne ijayo.

 Kazimoto amesema timu yake haikupata nafasi ya kupanda ligi kuu, ambapo iliishia nafasi ya tatu, huku sheria za nchi hiyo zikiruhusu timu mbili kupanda daraja.

“Sikufanikiwa kucheza ligi kuu kwa msimu mpya, ndiyo ilikuwa ndoto yangu ya kuhakikisha nami ninacheza ligi kuu, lakini ndiyo hivyo, tulishika nafasi ya tatu, ambapo timu mbili ndizo zinatakiwa kupanda,” alisema kiungo huyo wa zamani wa Simba.

Kwa mantiki hiyo, Kazimoto atalazimika kusubiri msimu mwingine ili kutimiza ndoto yake.