EXCLUSIVE: WANACHAMA SIMBA WAMTIMUA MICHAEL WAMBURA

Wanachama 860 wa Simba leo wamemfuta na kumfukuza aliyekuwa mgombea wa Urais wa klabu hiyo Michael Richard Wambura.

Pamoja na Wambura, wanachama hao wamepitisha uamuzi wa kuwafukuza uanachama wenzao wengine 72.

Uamuzi huo umefikiwa leo kwenye mkutano wa wanachama wa Simba uliofanyika leo kwenye Ukumbi wa Bwalo la Maofisa wa Polisi Oysterbay jijini Dar es Salaam.

Wambura na wanachama wengine 72 wamefukuzwa kutokana na kukiuka na kupeleka masuala ya soka mahakamani.

Kabla ya kufikia uamuzi wa kufanya mkutano, Simba kupitia kwa Rais wake, Evans Aveva ilitoa nafasi kwa wao kumuona na kuwasilisha utetezi wao.

Hata hivyo, hakuna hata mwanachama mmoja aliyejitokeza kwa ajili ya kulizungumzia suala hilo.

Uongozi wa Simba umesema, pamoja na kutojitokeza, wengine walikuwa wakifanya kampeni kuzuia uchaguzi huo kufanyika, wakipanga tena kwenda mahakamani.

Wanachama hao 72 walikwenda mahakamani kupinga Wambura kuenguliwa na Kamati ya Uchaguzi ya Simba chini ya Dokta Damas Daniel Ndumbaro.