KISA MALINZI, KIONGOZI SIMBA AZUIWA KUINGIA UWANJA WA TAIFA

Mwenyekiti wa Matawi ya Simba Wilayani Temeke, Fortunatus Mang’wela amesema uongozi wa Shirikisho la Soka Tanzania (TFF) umekuwa ukimuwinga na kumfanyia vituko.

Mang’wela maarufu kama Photu amesema alizuiwa kuingia Uwanja wa Taifa katika mechi mbili za Ligi Kuu zilizochezwa Jumamosi na Jumapili iliyopita jijini Dar es Salaam.

“Kisa kikubwa ni kutaka Jamal Malinzi atokea ufafanuzi kuhusiana na ufujaji wa fedha za TFF katika mkataba wa TBL.

“Dk Ndumbaro amekuwa akizungumza na kutoa taarifa kuhusiana na ufujaji huo huku akiwa na data za kutosha. Umeona hata TBL hawajasema lolote, sasa basi Malinzi aseme jambo, hilo ndiyo kosa langu,” alisema Photu.

“Achana na hivyo, niliitiwa hadi askari polisi, ni mtu ambaye ninamjua, akaniambia eti nimemtukana (Wilfred) Kidau, hii ajabu kabisa,” anasema kiongozi huyo maarufu katika eneo la Temeke.      

USIKOSE KUSOMA MAKALA YA KIONGOZI HUYO KESHO AKIELEZEA KWA UNDANI YALIYOMKUTA IKIWA NI PAMOJA NA KUFIKISHWA KUITIWA ASKARI POLISI AMUONDOE UWANJANI, LAKINI ASKARI WENGINE WAKAONA JAMBO HILO NI KISASI KISICHO NA SABABU NA KUAMUA KUMUACHIA.