PAMOJA NA VIPIGO ‘DABO’ AZAM FC WASISITIZA KUENDELEA KUPAMBANA

Mabingwa watetezi wa Ligi Kuu Bara, Azam FC, wamepokea vipigo viwili mfululizo lakini wamesema: “Hatujakata tamaa ya ubingwa.”

Wiki mbili zilizopita, Azam walikuwa wanaongoza msimamo wa ligi lakini sasa wameporomoka mpaka nafasi ya tatu kufuatia vipigo dhidi ya JKT Ruvu na Ndanda, juzi.

Azam FC ilichapwa bao 1-0 na wenyeji wake Ndanda FC kwenye Uwanja wa Nangwanda Sijaona mjini Mtwara. Kabla ilikuwa imepoteza mechi nyingi dhidi ya JKT Ruvu.

Ofisa Habari wa Azam FC, Jafar Idd, amesema ligi bado.

Jafar amesema bado wana kikosi kizuri na chenye uwezo wa kupambana kwa ajili ya kutetea ubingwa wake na kwa sasa wanajipanga kusahihisha makosa waliyoyafanya kwenye michezo hiyo.

“Tumekubali kuwa tumepoteza michezo yetu hiyo miwili lakini bado hatujakata tamaa ya kutetea ubingwa wetu kwani kwa sasa tunajipanga kuangalia wapi tulikosea ili kurekebisha makosa hayo na kufanya vizuri katika michezo ijayo,” alisema Jafar.