PHIRI ASEMA BAO LA OKWI LILIKUWA NI UKOMBOZI WA MIOYO

Kocha Mkuu wa Simba, Patrick Phiri amesema bao moja alilofunga mshambuliaji wake, Emmanuel Okwi, lilikuwa ni ukombozi mkuu kwake na Wanasimba.

Phiri raia wa Zambia amesema mfululizo was are hadi kufikia sita ulikuwa ukiumiza miiyo ya wachezaji, makocha, viongozi na Wanasimba kwa ujumla.

“Lilikuwa bao muhimu sana, ni moja tu lakini lilikuwa na maana kubwa sana. Ni bao lililoikomboa mioyo yetu kutoka kwenye maumivu makali,” alisema Phiri.

Baada ya sare sita mfululizo zilizosababisha kuibuka kwa mzozo Simba, hatimaye timu hiyo ilishinda kwa bao 1-0 dhidi ya Ruvu Shooting.

Katika mechi hiyo, Okwi aliyekuwa msumbufu kwa mabeki wa Ruvu, ndiye aliyefunga bao hilo pekee.

Phiri anatarajia kurejea kwao Zambia kwa mapumziko baada ya Ligi Kuu Bara kusimama hadi mwishoni mwa Desemba.

Hata hivyo anatarajiwa kurejea mapema kwa kuwa kutakuwa na mechi ya Bonanza.