COASTAL SASA SAFI, WAZIKA TOFAUTI ZAO, SASA WANACHAMA WAPYA RUKSA

Klabu ya Coastal Union imefanya mkutano wake wa dharura leo na kuzika tofauti za wanachama zilizokuwa zikiitafuna klabu hiyo.

Mkutano huo uliofanyika mjini Tanga umeonyesha kuzaa matunda na sasa wanachama hao wameamua kuunganisha nguvu kwa ajili ya kuisaidia klabu na timu yao.

Katika mkutano huo, pamoja na masuala muhimu ya klabu, umoja na kushirikiana kwa pamoja, suala la wanachama wapya pia lilijadiliwa. Pia wamekubaliana uchaguzi mkuu utafanyika Julai, mwaka huu.

Awali, uongozi wa Coastal Union ulikataa kupokea maombi ya wanachama wapya kwa madai eti wanataka kufanya vurugu.

Lakini katika mkutano wa leo, wanachama wapya wamepewa nafasi kikubwa wanachotakiwa ni kufuata utaratibu.

Baadhi ya mashabiki waliamua kuunda kundi lao maalum baada ya kukataliwa kupewa uanachama hali iliyooonyesha uongozi ulikuwa haujiamini na viongozi wake walikuwa na hofu ya ushindani hasa kwa kuingiza wanachama wapya, vijana na wasomi.