KOCHA WA MAKIPA WA SIMBA ATUA JIJINI DAR ES SALAAM

SALIM (ALIYEVAA FULANA YA ADIDAS, AKIWA NA MJUMBE WA KAMATI YA UTENDAJI YA SIMBA, SAID TULLY ALIYEKWENDA KUMPOKEA.

Kocha mpya wa makipa wa Simba, Iddi Salim raia wa Kenya amewasili jijini Dar es Salaam.

Salim amewasili leo mchana ili kumalizia mazungumzo na Simba.

“Nafika hapa kwa ajili ya kumalizia mazungumzo na Simba. Niko tayari kufanya nao kazi baada ya kufikia makubaliano,” alisema kocha huyo wa zamani wa Gor Mahia.

Salim kwa sasa ni kocha wa AFC Leopards ya Kenya na pia amekuwa mmoja wa makocha bora wa makipa kwa Afrika Mashariki.

Amewahi kuwa kocha makipa wa timu ya taifa ya Kenya, Harambee Stars akiwa chini ya Kocha Adel Amrouche raia wa Ubelgiji mwenye asili ya Algeria.