MAKAMBA AWACHAMBUA VIONGOZI MAGUMASHI, ASISITIZA KUJENGA VITUO VYA KIOLIMPIKI

Naibu Waziri wa Mawasiliano, Sayansi na Teknolojia, January Makamba ametangaza nia ya kuwania Urais wa Tanzania kupitia Chama cha Mapinduzi (CCM).

Makamba aliyejieleza vizuri kwa kufafanua masuala mengi, pia amezungumzia michezo na kusema atahakikishia anajenga vituo vya Kiolimpiki.

Pamoja na vituo hivyo, Makamba ambaye ni Mbunge wa Bumbuli, amesema atahakikishaa najenga vitu vya watoto wenye vipaji.

“Lazima kuwe na vituo ambavyo vitaendeleza vipaji vya watoto ambao wanaonekana kuwa na vipaji.

“Lengo ni kurudisha kizazi kipya chenye wanamichezo mahiri,” alisema na kuongeza.

“Nitarudisha michezo mashuleni maana ndiyo sehemu ambayo serikali  inakutana na watu wake wengi kwa wakati mmoja, hivyo ni lahisi kuwatengeneza.”

Makamba viongozi wa michezo nao watalazimika kuwajibika na wanayoyafanya huku akishangazwa kuwa watu wengi maarufu kama magumashi, yaani wasio makini hukimbilia kwenye michezo.

“Nimeambiwa watu wengi magumashi, wanakimbilia michezoni. Jambo ambalo litaisha, lazima wawajibike. Pia nitapambana kutengeneza miundombinu ili kuendelea kusaidia kukua kwa michezo,” alisema.

Makamba ni kati ya wagombea waliojitokeza wenye umri mdogo zaidi.

Hotuba yake imeelezwa kuwa moja ya zile bora kwa wagombea waliojitokeza kuwania urais kupitia CCM.