HAYA NDIYO ALIYOSEMA MEMBE KUHUSIANA NA MICHEZO, SANAA

Mmoja wa makada wa CCM aliyetangaza nia ya kugombea Urais, Bernad Membe amesema ataendelea kuijali michezo,wanamichezo wenyewe pamoja na sanaa.

Membe ambaye ni Waziri wa Mambo ya Nje na Ushirikiano wa Kimataifa, amesema atahakikisha kunakuwa na wanamichezo wanaopelekwa nje.

“Tutaendelea kuwapeleka wanamichezo nje kwa ajili ya kujifunza kwa ajili ya kujenga timu zetu imara.

 “Lengo ni kuhakikisha kuwa na vijana wenye uwezo mkubwa kuepusha kuwa watu wa mwisho kila siku.

“Vyuo vilivyo hapa nyumbani pia vitapewa nguvu kuhakikisha vinatoa msaada kusaidia wanamichezo,” alisema Membe.

Membe ni ambaye amekuwa akishiriki katika masuala ya michezo na pia sanaa mara kadhaa, ni kati ya wanaopewa nafasi kunyakua nafasi hiyo.