TUZO KWA WADHAMINI BILA YA BIN SLUM, TFF MMEAMUA KUMSIFIA JIRANI WA ZAMANI MKAMSAHAU WA SASA...

BOSI WA BIN SLUM TYRES, NASSOR BIN SLUM, NASSOR BIN SLUM (KULIA) SIKU ALIPOINGIA MKATABA NA NDANDA FC.

Na Saleh Ally

Shirikisho la Soka Tanzania (TFF), leo limefanya jambo zuri ambalo linapaswa kupongezwa.

Imefanyika hafla fupi ambayo iliambatana na uzinduzi wa jezi mpya lakini pia kuwatuza watu mbalimbali kwa mchango wao.

Mchango wao ulitambulika hivi, kwamba ni watu walioshiriki katika maendeleo ya mpira wa miguu katika kipindi cha miaka 50 tokea Tanzania ilipojiunga na Shirikisho la Soka la Kimataifa (Fifa).

Kuwakumbuka waliotoa mchango ni jambo jema. Niliona baadhi ya waandhishi pia wakituzwa, ingawa wako kadhaa walisahauliwa kama Salva Rweymamu ambaye sasa ni Mkurugenzi wa Mawasiliano wa Ikulu.

BIN SLUM AKIINGIA MKATABA NA STAND UNITED.

Huku ni kati ya waandishi wa mwanzo kabisa wa gazeti la Dimba ambalo ni la kwanza la michezo nchini. Nilifundishwa kazi pale na mmoja wa walimuwa wangu alikuwa ni Rweymamu akiwa na wengine kam Jenarali Ulimwengu ambaye alituzwa.

Kusahaulika inatokea, lakini niliona ni vema kuzungumzia kuhusiana na wadhamini baada ya kuona wengi wametuzwa.

Listi ya wadhamini waliotuzwa ni hii hapa;

WADHAMINI

113. TBL

114. VODACOM

115. SERENGETI BREWERIES

116. NMB

117. AZAM

118. BAHATI NASIBU YA TAIFA

119. AIRTEL

120. BANK ABC

121. COCA COLA

122. NSSF

123. AZAM MEDIA

124. BARRICK GOLD MINE

125. AIR TANZANIA

126. TANZANIA RAILWAY CORPORATION

127. SYMBION

128. TANZANIA TOBACCO BOARD

129. TANZANIA COFFEE BOARD

130. TANZANIA SISAL BOARD

131. TANZANIA HARBOUR AUTHORITY

132. BIMA

133. UHAMIAJI

134. BORA

135. URAFIKI

136. TACOSHILL

MKURUGENZI MWINGINE WA BIN SLUM, MOHAMMED BIN SLUM, SIKU WALIPOINGIA MKATABA NA MBEYA CITY.Ukiwaangalia wadhamini hawa, kwanza utagundua ni wengi waliofanya kazi na TFF kwa nyakati tofauti iwe ni katika timu kubwa au ya vijana.

Walichofanya ni vizuri, lakini TFF lazima ikubali kwamba inaendeleza mpira kwa kushirikiana na klabu za soka amabzo ndiyo zinabeba mzigo mkubwa.

Hata wachezaji wanaokwenda katika timu ya taifa wanatokea katika klabu. Hivyo klabu ni uti wa mgongo wa mwili wa TFF.

Moja ya wadhamini ambao kwa moyo wa dhati naweza kusema walipaswa kupongezwa ni kampuni ya matairi ya Bin Slum Tyres ya jijini Dar es Salaam.

Huenda hata kungekuwa na tuzo maalum kwa kampuni kwa sababu mbili tu. Kwanza inaingia ndani ya hiyo miaka 50 ya Tanzania kujiunga Fifa.

Pili imekuwa ni kampuni, licha ya kufanya biashara lakini wahusika wameonekana wanapenda mpira kwa dhati huenda hata kuliko kuangalia watapata nini.

Kwa timu hizo tatu walimwaga zaidi ya Sh milioni 500. Hiki si kitu kidogo kutoa fedha kama hizo kwa timu kama Mbeya City, Ndanda FC na Stand United.

Mbeya City ilikuwa ndiyo ina msimu wa pili, Ndanda na Stand ndiyo zilikuwa zimepanda daraja. Lakini kampuni hiyo haikujali.

 

Tunajua kila timu inayokwenda kudhamini soka, lazima inaangalia kwanza Yanga na Simba na ingekuwa tayari kufanya hivyo hata kama jina la kampuni yake litawekwa mgongoni.

Nani aliuona ujasiri huo wa Bin Slum ambao umekuwa changamoto kwa timu hizo tatu kuhakikisha zinabaki Ligi Kuu Bara.

TFF lazima ikubali, waliofanya kazi na TFF direct na indirect wote walistahili kutuzwa. Mtu kama Bin Slum anachangia kuipunguzia TFF presha kwa kuwa timu zinapokuwa na udhamini, kuna mambo mengi yanajitokeza.

Uhakika wa safari, kuwalipa wachezaji makocha na viongozi, lakini inasaidia kuongeza ushindani katika ligi ambayo ni mali ya TFF na dada yake Bodi ya Ligi.

Inawezekana kweli walisahau, lakini msisitizo, siku nyingine bora kuwaangalia watu wenye mapenzi ya dhati kama kampuni ya Bin Slum, angalau kuwaambia ahsante, ingekuwa ni dawa tosha ya kuona kumbe na mpira nao unawajali, basi wangeendeleza undugu wa dhati.