STEWART HALL ATAKA KIKOSI CHAKE KUENDELEZA VIPIGO, HATA MBEYA CITY ATAKA 'IFE'

Kocha Mkuu wa Azam FC, Stewart Hall amesema anataka kikosi chake kuendeleza ushindi kwenye Ligi Kuu Bara bila ya kujali kinakutana na nani.

Azam FC itakuwa mwenyeji wa Mbeya City kwenye Uwanja wa Azam Complex jijini Dar es Salaam, Jumapili.

Tayari Azam FC imeshinda mechi zake tatu za mwanzo za ligi ikianza na kuichapa Prisons bao 2-1 pale Chamazi, ikaitandika Stand United 2-0 kwao kabla ya kuimaliza Mwadui FC bao 1-0 pia ikiwa kwao.

Hall amesema anatambua ubora wa Mbeya City na kuwa ni moja ya timu zilizojiandaa vema, yenye tamaa ya mafanikio.

“Yote hayo ninayajua, lakini ninapenda kuhakikisha tunashinda kila mechi iliyo mbele yetu,” alisema.

“Maandalizi yanaendelea, kila mchezo mbele yetu tunaupa ukubwa au uzito wa namna yake.”

Mbeya City imekuwa ina mwendo wa kusuasua ingawa tokea kuanza kwa msimu huu ingawa inaisumbua sana Azam FC kila inapokutana nayo.