TAMSHA LA MAJIMAJI SEREBUKA KUUNGURUMA WIKI NZIMA MJINI SONGEA

Tamasha la Majimaji Selebuka limepangwa kufanyika kuanzia Oktoba 11 hadi 17 mjini Songea.

 Mmoja wa waratibu wa tamasha hilo, Hilary Ndumbaro amesema litafanyika kwa siku saba mfululizo katika Viwanja vya Mashujaa na Majimaji mjini Songea.

“Tamasha litajumuisha mambo muhimu, kutakuwa na michezo ya mbio za baiskeli, pia marathoni na tayari kuna wanariadha kutoka nchi jirani wamejitokeza kushiriki,” alisema.

“Pia tutakuwa na maonyesho ya kitamaduni, masuala ya utalii na wageni mbalimbali kutoka ndani na nje ya Tanzania wameanza kuwasili,” alisema.

“Lengo la kufanya hivi ni kutambua juhudi za shughuli za kiuchumi za wajasiriamali wa mkoa wa Ruvuma kupitia maonyesho ya shughuli za wajasiriamali wadogo.”

Tamasha linalenga pia kupanua soko la wajasiriamali hao kwa watu tofauti kwani kutakuwa na wageni mbali mbali walioalikwa toka ndani na nje ya nchi.