BARTLETT AELEZA KITU CHA AJABU WALICHOKOSEA STARS MECHI DHIDI YA ALGERIA

Kocha Msaidizi wa timu ya taifa ya vijana chini miaka 23, Shaun  Bartlett ameeleza jambo la kiufundi ambalo Taifa Stars walikosea na kuruhusu Algeria kurudisha mabao yote mawili.

Bartlett ameiambia SALEHJEMBE, kwamba Algeria walitumia mfumo wa kupiga mipira nyuma ya mabeki wa Stars ambao umekuwa ukiwasumbua wengi.

“Soka linakwenda linabadilika, kila kitu kinakuwa tofauti. Hata beki anavyosimama sasa inakuwa ni tofauti.

“Nimeona mabeki wa Tanzania hawakuwa tayari katika kupambana na mfumo huo. Sayansi inasema hivi, unapokuwa unaangalia upande wa lango la upinzani.

“Halafu mchezaji wa timu pinzani anaangalia upande wa lango lako, ukapigwa mpira kwenda kwenye lango lako, yeye ndiye anakuwa na nafasi zaidi ya kufanya vizuri.

“Algeria walilitumia hilo, utaona mabeki wa Tanzania hawakujua ndiyo maana kila walipokuwa wanageuka wanakuta tayari mchezaji wa Algeria ana mpira na madhara yapo kwenye lango lao,” alisema Bartlett.

“Kupambana na hilo, lazima mabeki wanatakiwa kusimama nusu, wakiangalia pembeni ya uwanja ili iwe lahisi kugeuka na kukimbia kama mpira utapigwa nyuma yao”

Bartlett amesisitiza Stars bado ina nafasi hata kama inacheza ugenini leo dhidi ya Algeria. Inategemea itacheza kwa mipango na nidhamu ipi.

Kikosi cha Barltett kiliifunga Stars kwa mabao 2-0 katika mechi ya kirafiki kwenye Uwanja wa Eldorado jijini Johannesburg, Afrika Kusini wiki moja iliyopita wakati Stars ikiwa kambini nchini humo kujiandaa na mechi hiyo dhidi ya Algeria.