STARS IKIING'OA ALGERIA INALAMBA SH MILIONI 500, NI BAADA YA KAMATI KUTOA MILIONI 25

Kamati ya Taifa Stars kupitia Mwenyekiti wake, Farouk Baghoza imetoa kitita cha SH milioni 25 kwa wachezaji wa Taifa Stars baada ya sare ya bao 2-2 dhidi ya Algeria.

Awali kamati hiyo iliahidi kitita cha Sh milioni 50 kama ingeishinda Algeria. Lakini ikaambulia sare ya bao 2-2.

Lakini sasa kuna ahadi ya Sh milioni 500 ambayo imetolewa kama Stars itashinda au kupata sare itakayoivusha Stars hadi hatua ya makundi.

Stars inatakiwa kushinda au sare ya kuanzia bao 3-3 ili iweze kusonga mbele.

Tayari kikosi cha Stars iko mjini Bilda, Algeria kwa ajili ya mechi hiyo itakayopigwa leo.