LOGO INAWASUTA YANGA, WENYEWE HAWAJUI, WANAIVAA, WANAIFURAHIA YENYEWE INAWASHANGAA

Na Saleh Ally

Nakukumbusha kwanza, Yanga imezaliwa mwaka 1935 na ndiyo ilimeguka na kuanzishwa kwa Simba ikianza kwa jina la Stanley.

Yanga ya miaka 25 iliyopita, inaonekana iliweza kwa wakati zaidi kuliko Yanga ya sasa.

Sasa Yanga ndiyo mabingwa, lakini ndiyo waliobeba mara nyingi zaidi ubingwa wa Tanzania Bara. Wamechukua mara 25 kati ya 50, wanastahili pongezi.

Ubingwa waliochukua Yanga ni wa soka, si mchezo mwingine. Lakini nembo ya Yanga inaonyesha ni klabu ya michezo mbalimbali ikiwemo netiboli.

Soka ni sehemu, nembo inaonyesha kuna bondia na netiboli. Michezo yote inahusisha wanaume na wanawake kama ilivyokuwa awali.

Tena kama ni michezo mbalimbali, basi wanaume na wanawake lakini kila upande unatakiwa kuwa na vijana.

Lakini ukweli ni hivi; Yanga sasa imebaki kuwa timu au klabu ya soka pekee na kilichobaki ni majungu na watu kutopendana.

Watu kutosikilizana, hata kama mambo yanakwenda vizuri, wako ambao hawasikilizani na wenzao na kila mara wanalalamika.

Hao ndiyo wale wanaotofautiana na ule mwenge wa kwenye nembo ya Yanga ambao inataka Wanayanga kuwa pamoja na kumulika pamoja.

Lakini Yanga si klabu ya soka pekee, inawezekana hata viongozi wa klabu hiyo hawajui. Vipi wazee wa enzi hizo, waliweza kushirikisha michezo kibao hadi timu ya mchezo wa ngumi na waliopo sasa washindwe?

Kipindi hicho hadi timu za watoto, vijana, kinadada na leo hakuna zaidi ya ile ya soka! Tatizo ni nini?

Jiulize, kwani viongozi wa Yanga hawajahi kuiangalia logo hiyo ambayo ika karibu kila sehemu ikiwa ni pamoja na pale katika makao makuu ya Yanga mitaa ya Jangwani na Twiga?

Nembo inaonyesha ni timu ya michezo mingi, klabu ya watu na washiriki wa michezo mingi lakini waliopo sasa kwa kuwa wanapenda soka pekee, wameigeuza Yanga kuwa klabu ya soka na kufuta kwa makusudi rekodi ya historia zake kwamba ni klabu ya michezo inayojumuisha wanamichezo na si wapenda soka pekee.