USAJILI WA KAKOLANYA YANGA WAZUA GUMZO, HOFU YA KIPAJI CHA DIDA, BARTHEZ YAWA GUMZO

KAKOLANYA AKIWA NA KIKOSI CHA PRISONS

Kitendo cha Yanga kufanikisha usajili wa kipa Beno Kakolanya, kumezua gumzo kubwa kuhusiana na makipa wawili, Deogratius Munishi ‘Dida’ na Ally Mustapha ‘Barthez’.

Gumzo hilo limesambaa mitandaoni baada ya Yanga kukamilisha usajili wa Kakolanya kutoka Prisons.

Badaa ya Yanga kukamilisha usajili huo, mashabiki wapenda soka wamekuwa wakijadili kwamba Yanga haikuwa na pengo la makipa.

Wengine wanaamini Yanga kumsajili Kakolanya ni sawa na kuua kipaji cha kipa mmoja kwa kuwa ni rahisi wawili kupata nafasi na mmoja akaendelea ‘kuozea’ benchi.

Hata hivyo, taarifa kutoka Yanga zinaeleza, Kocha Hans van Der Pluijm amemtaka Kakolanya ili kuimarisha sehemu ya makipa.

Anaamini kuwa Yanga itakuwa na mechi nyingi mfululizo na Kakolanya atakuwa msaada mkubwa katika nafasi hiyo muhimu katika kikosi.