IFM WAWA MABINGWA WA MICHUANO YA SOKA LA UFUKWENI, WAITWANGA ARDHI 6-4

Timu ya Chuo cha IFM wamefanikiwa kuibuka mabingwa baada ya ushindi wa mabao 6-4 dhidi ya Chuo cha Ardhi.

Mshindi wa kwanza anapata kombe na fedha taslimu Sh milioni moja wakati mshindi wa pili ni Sh 300,000 na Sh 200,000 kwa mshindi wa tatu.

Mechi hiyo iliisha kwa sare ya mabao 4-4 kabla ya kuongezwa dakika 3 na IFM waliweza kuzitumia vizuri kwa kufunga mabao mawili pamoja na kuwa mchezo kuwa mgumu kwa pande zote mbili kuonyesha upinzani mkali.

Mechi ya mshindi wa tatu imemalizika na DIT wameibuka washindi wa tatu baada ya ushindi wa DIT 7-3 TIA. Mussa Godwin wa TIA alilambwa kadi nyekundu katika dakika ya 24 kipindi cha tatu baada ya kumtolea lugha chafu mwamuzi.