SIMBA WAWASILI DAR KWA BOTI, MASHABIKI WANAWASHANGAA...

Baada ya kutolewa katika michuano ya Mapinduzi huko Zanzibar, kikosi cha Simba kimewasili jijini Dar es Salaam.

Mashabiki wengi waliokuwa bandarini wakati timu hiyo ikiwasili walionekana wakiwashangaa utafikiri kulikuwa na jambo fulani.

Baadaye basi la wachezaji liliwachukua na kuondoka nao eneo hilo huku baadhi ya mashabiki wakitoa maneno kuonyesha kukerwa.

Simba imerejea Dar es Salaam, tayari kwa maandalizi ya michuano mingine ikiwa ni mara ya pili ndani ya wiki mbili kupoteza nafasi ya ubingwa katika mashindano mawili tofauti.

Simba ilivuliwa ubingwa wa Kombe la Shirikisho la Azam Sports na timu ya Green Worries na juzi ilitolewa mapema katika michuano ya Mapinduzi baada ya kufungwa mfululizo mechi mbili dhidi ya Azam FC na baadaye URA ya Uganda.