MZUNGUKO WA NNE KOMBE LA SHIRIKISHO KUENDELEA, MECHI HIZI KUPIGWA VIWANJANI LEO

Na George Mganga

Mzunguko wa nne wa mashindano ya Kombe la Shirikisho unatarajia kukamilika leo February 26 2018 kwa mechi mbili kuchezwa.

Katika Uwanja wa CCM Kambarage, Shinyanga, Stand United itakuwa mwenyeji dhidi ya timu kutoka makao makuu ya nchi, Dodoma FC, mechi ambayo itachezwa saa 10:00 jioni.

Mechi nyingine itakayochezwa ni Kiluvya United ambao wataikaribisha Tanzania Prisons kwenye Uwanja wa Mabatini. Mechi hii itaanza saa 8:00 mchana.

Timu zitakazoshinda leo, zitaingia kwenye hatua ya nane bora, tayari kwa kusubiri droo ya kupangiwa kila timu icheze na nani.