REAL MADRID YAFIKIA MAKUBALIANO NA SANTOS KUMSAJILI KINDA HUYU KUTOKA BRAZIL

Uongozi wa klabu ya Santos kutoka Brazil umefikia makubaliano na Real Madrid ya kumsajili nyota wake, Rodyrigo Goes.

Dau la euro milioni 43 limetajwa kufikiwa mwafaka baina ya klabu hizo mbili ambapo Goes mwenye miaka 17 atajiunga na Real Madrid Julai 2019.

Kinda huyo amekuwa na mchango mkubwa ndani ya Santos katika msimu wa Ligi Kuu Brazil uliomalizika kwa kutupia kambani mabao 6.

Licha ya kufunga idadi hiyo ya mabao, Rodyrigo alifanikisha kutengeneza nafasi 2 katika michezo 15 aliyoichezea Santos.

Aidha mchezaji huyo ameifungia timu ya taifa ya Brazil (U17) mabao matatu katika michezo minne aliyocheza.