BAADA YA SARE NA KMC, NGOMA AKIOKOA JAHAZI, HIKI NDICHO WALICHOSEMA AZAM FC

Azam FC wamesema KMC walipanga kuwamaliza lakini wao wakawa wamejipanga zaidi.

Mechi ya Ligi Kuu Bara katika ya Azam FC waliokuwa ugenini kwenye Uwanja wa Uhuru jijini Dar es Salaam dhidi ya KMC, imemalizika kwa sare ya mabao 2-2.

Msemaji wa Azam FC, Jaffar Iddi amesema kwamba mchezo huo ulikuwa mgumu.

“Tulilazimika kusawazisha mwishoni kupitia Donald Ngoma. Niwapongeze wachezaji wangu kwa mchezo mzuri.

“Ukiangalia KMC walijipanga hasa kushinda mchezo huo, lakini ni jambo zuri angalau imepatikana sare na sasa tunajipanga kwa michezo ijayo,” alisema Jaffar.