Uongozi wa timu ya Biashara United kutoka Mara umetamba kuilaza Yanga katika mchezo wa ligi utakaopigwa leo kwenye Uwanja wa Taifa, Dar es Salaam.
Kwa mujibu wa Mwenyekiti wa klabu hiyo, Selaman Mataso, amesema kuwa timu yake imejipanga zaidi kuhakikisha inavunja rekodi ya Yanga ambayo mpaka sasa haijapoteza mchezo wowote.
Mataso ameeleza kuwa anajua Yanga wanaenda kucheza mechi hiyo wakiwa na presha ya kutaka kupata matokeo ili warejee kwenye nafasi ya kwanza.
Kiongozi huyo amesema kutokana na Yanga kuwa na presha kubwa kuelekea mechi hiyo, anaamini huo utakuwa ni udhaifu mkubwa kwao wa kuweza kuwamaliza haraka.
Timu hiyo kutoka Mara itakuwa inacheza na Yanga kwa mara ya kwanza majira ya saa 1 za jioni ikiwa ni mara baada ya kupanda daraja mpaka ligi kuu msimu huu.
Mh! siwezi kuwavunja moyo, ila mkifanya hivyo nitashukuru na kuwapongeza. Mnachotakiwa ni umakini tu.
ReplyDeleteMkuje tu, mtakachokutana nacho MUNGU pekee ndo anajua, bahati mbaya kwenu na nzuri kwa Yanga ni kwamba, Tshishimbi n a Yondani wamerejea.
ReplyDelete