AJIBU AWAPA UCHUNGU HUU SIMBA

Kiungo Mshambuliaji wa Yanga, Ibrahim Ajibu amesema licha ya kuwa timu yao inapitia wakati mgumu ikiwemo kuyumba kiuchumi, ana imani kikosi chao kitazidi kufanya vizuri na kuwashangaza wengi.

Ajibu ameeleza kuwa Yanga imekuwa haipewi nafasi ya kufanya vema lakini imani yake ikimtuma kuwa watazidi kuchanja mbunga na wengi hawataamini kinachotokea.

Yanga hivi karibuni tangu kuondoka kwa aliyekuwa Mwenyekiti wake, Yusuf Manji, imekuwa na hali ambayo si nzuri kiuchumi, jambo ambalo limekuwa likiepelekea baadhi ya wachezaji kugoma kuichezea timu.

Licha ya changamoto hizo, Ajibu ameeleza wao kama wachezaji wataendelea kupeperusha bendera ya Yanga kwa kujituma ili kufikia malengo ikiwemo kuurejesha ubingwa wa ligi ambao unatetewa na Simba hivi sasa.

Wakati huo Yanga inashuka dimbani leo majira ya saa 1 za usiku kukipiga na Biashara United, mechi ikifanyika Uwanja wa Taifa, Dar es Salaam.