KUPAPSWA NA LIPULI YA MATOLA, BWIRE ATOA YA MOYONI

Ofisa habari wa Ruvu Shooting, Masau Bwire amesema kuwa hakuna kinachowakwamisha kupata matokeo katika michezo yao kwa kuwa wana uwezo mkubwa wa kupambana.

Bwire amesema kikubwa ambacho kilifanya kutopata matokeo kwenye mchezo wao dhidi yab Lipuli na kukubali kufungwa bao 2-1 ugenini ni kutokana na kushindwa kutumia nafasi ambazo walizipata.

"Wachezaji wanapambana hiyo inamaanisha uwezo tunao, kufungwa ni sehemu ya matokeo hivyo hakuna tatizo lolote ambalo linatukwaza sisi, tupo vizuri na tunajipanga kwa ajili ya michezo ijayo," alisema.

Ruvu Shooting inashika nafasi ya 15 baada ya kucheza michezo 16 kwenye ligi wakiwa na pointi 17 kibindoni.