SIMBA HII KWELI INAENDA KIULAYA, CHEKI MAMBO HAYA

Klabu ya Simba imetamba kushinda mechi zote mbili za Ligi ya Mabingwa Afrika dhidi ya Nkana Red Devils ya Zambia.

Simba itakutana na Nkana Disemba 15 2018 huko Kitwe katika mchezo wa mkondo wa kwanza kabla ya wiki moja baadaye kucheza mechi ya marudiano jijini Dar es Salaam.

Kwa mujibu wa Ofisa Habari wake, Haji Manara, amesema wamejipanga vilivyo kuhakikisha wanashinda mechi hizo ambazo hazitakuwa rahisi kwa pande mbili.

Aidha, Manara ameeleza kuwa watasikiliza kila ombi la Kocha wao, Mbelgiji, Patrick Aussems ili kumpa nguvu ya kuihakikishia Simba inawalaza Nkana na hatimaye ikiwezekana iweze kusonga mbele zaidi.

Manara amesema wanaheshimu Nkana kutokana na uzoefu walionao kwenye Ligi ya Mabingwa Afrika na mara ya mwisho walikutana nayo kisha wakafungwa mwaka 2002.

Wakati Manara akieleza hayo, kikosi cha Simba kimezidi kujifua kwenye Uwanja wa Boko Veterani tayari kuelekea mechi hiyo ambayo wataanzia ugenini.