Uongozi wa Singida United umesema kuwa mpango wa kuwaachia wachezaji wake wawili John Tiber na Kenny Ally kujiunga na Yanga bado ni mapema kuuzungumzia kwa kuwa wana mipango nao ndani ya kikosi cha kuwafanya wawe ni wachezaji wa kimataifa.
Keny na Tiber wamekuwa wakielezwa kuhitajiwa na Yanga katika usajili wa dirisha dogo ambao unafungwa Desemba 15 baada ya kufunguliwa Novemba 15 mwaka huu.
Ofisa habari wa timu ya Singida United, Cales Katemana amesema kuwa kwa sasa hawana mpango wa kuwatoa wachezaji wake kwenye timu za ndani mipango yao ni kuweza kuwapeleka wachezaji hao nje ya nchi kucheza soka.
"Tiber anaweza kuondoka mwezi wa kwanza ama januari kuelekea kuitumika timu ya Czech ya barani ulaya kwa makubaliano yenye faida kwa timu pamoja na mchezaji mwenyewe ili aweze kuwa bora zaidi ya alipo sasa.
"Kenny bado tupo naye ndani ya kikosi kwa kuwa bado ana mkataba wa miezi sita ndani ya timu hivyo suala la yeye kuondoka kwenye timu bado kwa sasa ataendelea kuitumikia timu yetu hawezi kwenda Yanga," alisema.
SINGIDA UNITED YAPANGA KUMPELEKA ULAYA MCHEZAJI WA YANGA...
ReplyDeleteJe, ni mchezaji gani wa yanga ambaye anapelekwa ulaya au singida united wanampango wa kumpeleka ulaya?
Je, Kenny na Tiber ni wachezaji wa yanga au singida united?
Je, tetesi za Tiber kuhitajika na yanga ndio amekuwa mchezaji wa yanga kiasi kwamba kichwa cha habari kusomeka kama ilivyo hapo juu?
Mmili wa blog hii ya michezo kama huwa unafuatilia maoni yetu wasomaji basi tunaomba ulifanyie kazi hili maana udhaifu katika uandishi ndani ya hii blog ni mkubwa sana na inafikia mahali inawakera wanamichezo wanaopenda kutembelea blog hii.
Mara nyingi sana utakuta kichwa cha habari ni tofauti kabisa na yaliyoandikwa ndani yake na hii si mara moja bali ni tendo endelevu. Binafi nina mashaka makubwa sana na waandishi au wahariri wako kama wanakidhi vigezo vya uandishi maana inaonekana kama vile umewaokota mtaani tu na hili linadhihirishwa na UDHAIFU MKUBWA wa kiundishi ndani ya blog hii ukilinganisha na blog zingine.
Inafikia wakati mtu unaingia ndani ya blog halafu unakosa cha kusoma maana kichwa cha habari ni yanga halafu yaliyoandikwa ni singida united 😁😁😁😁 hatari sana.