KIDUKU AANZA TAMBO MAPEMA KWA MAUGO, APANIA KUMPA ZA USO

BONDIA Twaha Kiduku, ametamba kumchakaza Mada Maugo katika pambano lao litakalofanyika Machi 2, mwaka huu kwenye Ukumbi wa Msamvu Terminal mjini Morogoro.

Kiduku amesema anakusudia kumpiga kwa KO Maugo siku hiyo ili iwe fundisho kwa wengine.

 “Machi 2, naenda kuanza kwa kumpiga KO Mada Maugo na baada ya hapo nitalipiza kisasi kwa Dullah Mbabe ambaye sasa anajigamba kama mfalme baada ya kumpiga Cheka, jambo ambalo mimi sijalifurahia.

"Najua wananijua kuwa mimi ndiye kiboko yao, hivyo alipo ajiandae kwa kichapo cha raundi chache tu, tena nikianza na huyu Maugo,” alisema Kiduku.