MBELGIJI AWAPA KAZI NGUMU WACHEZAJI WAKE LEO DHIDI YA KMKM, HIKI HAPA AMESEMA

KOCHA Mkuu wa Simba, Patrick Aussems amesema kuwa amewapa kazi wachezaji wake kupata matokeo chanya kwenye mchezo wa kombe la Mapinduzi dhidi ya KMKM utakaochezwa leo katika Uwanja wa Amaan, visiwani Zanzibar.

Aussems amesema mapungufu ya kikosi ameyafanyia kazi hivyo ana amini leo watafanikiwa kupata ushindi mkubwa zaidi ya ule wa mchezo wa kwanza ambao walishinda mbele ya Chipukizi kwa mabao 4-1.

"Nimewaambia wachezaji watumie vema nafasi watakazozipata wawe makini hasa wakiwa eneo la hatari, malengo yangu ni kukamilsha mashindano haya nikiwa nimefunga mabao mengi zaidi, hilo linawezekana endapo wataamua kujituma," alisema.

Bingwa mtetezi wa kombe la Mapinduzi ni Azam FC ambaye amefanikiwa kulichukua kombe hilo mara tatu akiwa sawa na Simba ambaye naye amechukua mara tatu.