NAHODHA YANGA AMPIGA BAO STRAIKA SIMBA

KIUNGO mshambuliaji wa Yanga ambaye kwa sasa ni Nahodha akichukua mikoba ya Kelvin Yondan, Ibrahim Ajibu amefanikiwa kufikia rekodi yake aliyoiweka msimu uliopita kwenye Ligi Kuu Bara baada ya kucheza michezo 18 na kufikisha mabao 5.

Ajibu msimu uliopita wa 2017/18 alikamilisha ligi akiwa na mabao 7 baada ya Ligi kuisha ila msimu huu Yanga wakiwa wamecheza michezo 18 amefikisha mabao matano ambayo aliyafunga baada ya Yanga kucheza michezo 18 sawa na msimu huu.

Wakati akifanya hayo Ajibu ameonekana kuwafunika wachezaji wa Simba kama Emmanuel Okwi, Shiza Kichuya na John Bocco ambao hawa baada ya kucheza michezo 14 walikuwa wamefunga mabao mengi zaidi.

Okwi alifunga mabao 11 baada ya mechi 14 sasa ana mabao Saba, John Bocco baada ya michezo 14 msimu uliopita alikuwa na mabao sita msimu huu baada ya michezo hiyo amefikisha mabao matatu.

 Kiungo mchezeshaji, Shiza Kichuya baada ya kucheza michezo 14 msimu uliopita alikuwa na mabao manne ila msimu huu ana mabao matatu.