TFF WMETOA HILI HAPA KUHUSIANA NA UCHAGUZI WA YANGA, WAMETAJA KADI ZITKAZOTUMIKA

YUSUF MANJI, NAFASI YAKE ITAGOMBEWA KATIKA UCHAGUZI HUO

Uchaguzi wa kugombea nafasi za Uongozi ndani ya Klabu ya Young Africans utafanyika kwenye Bwalo la Maafisa wa Polisi Oysterbay Jumapili Januari 13,2019.

Kadi zitakazotumika katika Uchaguzi ni kadi za Kitabu na kadi za Benki zilizohakikiwa.

Kampeni za kuelekea Uchaguzi huo zimefunguliwa rasmi leo.

Akitangaza kufunguliwa kwa kampeni hizo Mwenyekiti wa Kamati ya Uchaguzi ya TFF Malangwe Mchungahela amewataka wagombea kufanya kampeni kwa amani bila kumchafua mwingine.

Mchungahela ameongeza kuwa kila mgombea anaruhusiwa kujinadi kokote ikiwemo katika tawi lolote la Young Africans.

Naye Mjumbe wa Kamati ya Utendaji ya Young Africans ambaye pia ni Msaidizi wa Kaimu Mwenyekiti Siza Lyimo amewataka Wanachama kujitokeza kwa wingi katika uchaguzi huo utakaokuwa wa amani na utulivu.

Amewataka Wanachama kupita mapema kwenye matawi yao kuhakiki kadi zao za Uwanachama ili kupunguza usumbufu siku ya Uchaguzi.