AZAM FC: TUNAZITAKA POINTI TATU ZA SINGIDA UNITED

KOCHA wa Azam FC, Idd Cheche amesema kuwa kwa sasa hesabu zake ni kuona anapata pointi tatu nyingine mbele ya Singida United.

Cheche amepata matokeo chanya kwenye michezo yake miwili ya awali ya ligi kuu ambapo alianza kushinda mbele ya African Lyon na mbele ya JKT Tanzania.

Cheche amesema:" Tunapambana kutafuta pointi tatu muhimu na kwa sasa hesabu zetu ni kuona tunapata pointi mbele ya Singida United hivyo mashabiki waendelee kutupa sapoti," amesema Cheche.

Mchezo ujao kwa Azam ambayo kwa sasa imejikita nafasi ya pili baada ya kucheza michezo 27 ikiwa na pointi 56 utapigwa Uwanja wa Chamazi Machi 16 tayari wameanza mazoezi kwa sasa.