SASA NDIO MTAIJUA SIMBA, MAJEMBE HAYA SITA YA KIGENI MAMBO SAFI MSIMBAZI

Kwa sasa kazi ni moja tu kusajili majembe ambayo yatumika ndani ya timu kwa ajili ya msimu ujao wa 2019/20.

Klabu ya Simba ambao ni mabingwa watetezi wa Ligi Kuu Bara wameshaanza kuongeza makali yao ndani ya kikosi hicho ambapo mpaka sasa majembe sita ya kigeni yana uhakika wa kuvaa jezi za Simba.

Hawa hapa ambao ni wachezaji wa kigeni wamemalizana na Simba kwa ajili ya msimu ujao:

Clatous Chama raia wa Zambia yeye ni kiungo ameongeza kandarasi ya miaka miwili ndani ya Simba.  

Meddie Kagere raia wa Rwanda yeye ni mshambuliaji, ameongeza kandarasi ya miaka miwili.

Wilker Henrique da Silva 23, raia wa Brazil yeye ni mshambuliaji ametokea timu ya Brangantino ya Brazil.

Gerson Fraga Viera 26, raia wa Brazil, yeye ni beki wa kati na kiungo mkabaji akitokea ATK FC ya India amesaini kandarasi ya miaka miwili.

Tairone da Silva, raia wa Brazil, yeye ni beki ana umri wa miaka 30, amesaini kandarasi ya miaka miwili ametokea klabu ya Atletico Cearense FC ya Brazil.

Sharaf Eldin Shiboub Ali Abdalrahman ametokea Al Hilal amesaini kandarasi ya mwaka mmoja, yeye ni kiungo.