AZAM FC YAWAPIGA MKWARA MZITO WAETHIOPIA WAO

UONGOZI wa Azam FC umesema kuwa hauna mashaka na mchezo wao wa kesho dhidi ya Fasil Kenema ya Ethiopia utakaochezwa kesho uwanja wa Bahir Dar.

Akizungumza na Saleh Jembe, Ofisa Habari wa Azam FC, Jaffary Maganga amesema kuwa tayari kikosi kimeanza kuyazoea mazingira nchini Ethiopia.

“Kikosi kimewahi mapema nchini Ethiopia na tayari Kocha Mkuu, Ettiene Ndayiragije ameandaa program maalumu kwa ajili ya wachezaji wake kuelekea kwenye mchezo wetu.

“Mashabiki watupe sapoti kwani tunajua kwamba tuna kazi ngumu ugenini hasa ukizingatia michuano hii ya kimataifa ni hatua ya mtoano tupo tayari, imani yetu tutaonyesha ushindani mkubwa” amesema.