MANCHESTER UNITED YAMPIGA CHELSEA 4G, POGBA ANABALAA

DANIEL James, kinda wa Manchester United leo amekomelea msumari wa mwisho wakati timu yake ikiimaliza Chelsea kwa mabao 4-0.

Mchezo wa Leo ambao ni wa kwanza kwa timu zote mbili msimu huu umepigwa Uwanja wa Old Trafford.

Mameneja wa timu zote mbili walikuwa wachezaji wa timu zao zamani ambapo leo Ole Gunnar Solskjaer wa United amemnyoosha Frank Lampard wa Chelsea.

Bao la kwanza Kwa United likipachikwa dakika ya 18 Kwa mkwaju wa Penalti uliopigwa na Marcus Rashford aliyepachika bao la tatu dakika ya 67 akimalizia pasi ndefu ya Paul Pogba.

Bao la pili likipachikwa na mshambuliaji aliyeachiwa jezi na Romelu Lukaku, Anthony Martial dakika ya 65.