NYOTA WATANO KMC KUIKOSA AS KIGALI, WANNE WAPIGWA STOP NA CAF

SALIM Aiyee, mshambuliaji mpya wa kikosi cha KMC leo kunahatihati kuwakosa wapinzani wao AS Kigali kwenye mchezo wa kimataifa wa awali utakaochezwa nchini Rwanda pamoja na wageni wenzake wanne ambao Caf imewazuia.

AS Kigali ya Rwanda inashiriki kwa mara ya kwanza michuano ya kombe la Shirikisho Afrika sawa na KMC imemsajili nyota wa zamani wa Simba, Haruna Niyonzima.

Akizungumza na Saleh Jembe, Kocha Mkuu wa KMC, Jackson Mayanja amesema kuwa kikosi kipo imara na morari ni kubwa hivyo wanamatumaini ya kupata ushindi.

“Wachezaji wote wapo sawa na wana morali kubwa ila kwa hawa ambao nipo nao huku Salim Aiyee hayupo fiti kwani ana maumivu ya bega aliyopata kwenye mazoezi.

“Mbali na huyo ni wale wengine wanne ambao wanakosekana kutokana na kukosa leseni ya Caf ambao ni Besela Bokungu, Melly Sivirwa, Jonathan Nahimana na Mugiraneza Baptiste wengine wapo sawa kwa ajili ya kupambana,” amesema.